Vit bjóða ráðgeving og vegleiðing til harðskapsrakt og avvarðandi, sum venda sær til Kvinnuhúsið. Vit bjóða viðtalur við ráðgevar/starvsfólk, ið hava holla vitan um harðskap, viðtalur við sálarfrøðing umframt sjálvhjálparbólkar.

Um tørvur er á tí, verður kvinnan víst til lækna, løgreglu, Almannaverkið, Rættarhjálp Føroya, Familjufyrisitingina ella Barnaverndarstovu.

Er ein kvinna sálarsjúk, bundin av alkoholi ella øðrum rúsevni, kann Kvinnuhúsið vísa henni á, hvar hon kann venda sær við sínum trupulleikum. Til dømis til lækna, sálarfrøðing og viðgerðarstovnar.